يا عيال ... يا كل عيال الشارع يلا ...يلا نلعب ...
يلا نلعب امممم بس ها نلعب ايه؟
نلعب ايه؟!! نلعب ايه ؟!!
آه.................. نلعب أب و أم بس مين ها يلعب دور الاب؟ مين ؟ مين؟ ... اسلام طبعا و مين الام؟ مين ؟ ... مين؟ ... جهاد طبعا
الأب: يا أولادى الوقت من دهب لازم تذاكروا كويس الأم: طبعا المذاكرة قبل اللعب
الأولاد: لأ ... لازم نلعب ، اللعب الاول و بعدين المذاكرة، هو كل حاجة مذاكرة امال ها نلعب أمتى وله ها نلعب فين؟؟؟ ماما علطول بتقولنا بطلوا تلعبوا فى الشارع بطلوا الدوشة اللى انتوا عاملينها ، هو احنا لاقينا مكان نلعب فيه و ملعبناش .........وله كتب نفهم منها وماذكرناش
الأب : و بعدين معاكوا المذاكرة الأول كل و احد على مكتبه
الأولاد: مكتب ههههههه حلوة دى، ده أنا حاجز ضرفة دولاب بالعافيه و حتة من السرير بالعافية وسط اخواتى الأربعة ولد تانى : وله المدرسة مش قادر اسمع المدرسة من الدوشة دا احنا اكتر من 70 تلميذ فى الفصل الاولاد: دى لعبة وحشة نغيرها ... بس ها نلعب ايه صيادين السمك، كهربا، وله كورة ولد تانى: لالالا نلعب عسكر و حرامية الاولاد: ايوه نلعب عسكر و حرامية
نكبر حبة ....................اللعب فى إعدادى
الـــــــــبنــــــــــــــــــــــــــــــــــــات
سميرة (فى الشباك): صباح الخير يا سوسن سوسن: صباح الخير، مش ها تيجى تلعبى معايا كوتشينه سميرة: مش عارفة يمكن مش دلوقتى، هيه جهاد جاية وله لأ سوسن: نتنادى على جهاد... جـــــــهــــــــــــاد ... يــا جـــــهـــــــاد جهاد: صباح الخير يا سوسن، صباح الخير يا سميرة سميرة: مش ها تيجى تلعبى معانا
جهاد: لأ مش ها اقدر بابا جابلى قصة حلوة و عايزة اخلصها على شان هو و عدنى انه هيجيب و احدة تانية
الأولاد
محسن: اسلام يا اسلام احنا رايحين نلعب كورة مش ها تيجى معانا
اسلام: لا أنا ما بحبش لعب الكورة هلعب شطرنج مع أخويا الكبير
نكبر حبه.............. اللعب فى ثانوى الـــــــبــــــــــــــــنات
سوسن: آه يا سميرة شوفتى الفستان اللى فى المحل اللى جنب المدرسة سميره: آه حلو قوى سوسن: (تضحك بخبث) فى حد عندك؟ ايه أخر أخبار صحبتك شريفة سميرة: هش وبعدين معاكى حد يسمعنا... كويسة اشترالى دبدوب هدية احم قصدى اشترتلى، خلى بالك انا قلتهلم فى البيت ان انتى اللى اشتريتيه، ........و أنتى اخبار صحبتك محسنة ايه؟ سوسن : ( هامسة) بس ... بس ... ها اشوفها بكره بعد المدرسة ها اخرج حصة بدرى
جهاد : مقاطعة ... صباح الخير عاملين ايه يا بناويت
سميرة: متفاجاءة بوجود جهاد... ها آه آه كويسين ... مش ... مش ... آه مش ها تتمشى معانا
جهاد: لوحدنا ما أظنش، الواحد اليومين دول مش عارف يمشى من غير ما يلاقى حد يعاكسة او يضايقة الولاد اليومين دول حاجة صعبة قوى ، لكن ارجع و أقول برضة فى بنات غلطانة
سوسن: و فيها ايه دى هو حد بيسمعلهم ... - متمايلة فى دلال - هو فيها ايه دى هو حد بيسمعلهم ادينا ماشين و خلاص
الاولاد
شريف: صباح الخير يا محسن ايه اخبارك و اخبار الثانوية العامية معاك محسن: بلا ثانوية عامية بلا بتاع ياله تعالى نروش شوية اما انا قدامى جوز عصافير انما ايه قشطة وله شعرها يابنى ماقولكش شريف: بجد ياوله و افقو يخرجوا معانا محسن: امال ايه يابنى هو احنا بنلعب ، كلمتين حب على تنهديتن وانت عارف الباقى بقى – هههههه- نظرة فا ابتسامة فا... شريف: - هامسا - بس بس احسن اسلام جاى محسن: اهلا اهلا يا اسلام عامل ايه
اسلام: كويس الحمد لله ، و لو انه فى درس فى الفزياء شاغلنى لانة صعب شوية
شريف: ما قلتلك تعالى خد معانا درس
اسلام: ليه المسالة مش محتاجه المدرس فى الفصل وافق انه يشرحهالى فى الفسحة بكره ان شاء الله، و بعدين مش لازم كل حاجة تبقى دروس امال احنا ها نذاكر امتى لما كل وقتنا يبقى من درس لدرس و دى آخر مرحلة قبل الجامعة ولازم نعتمد على مذاكرتنا على قد مانقدر
محسن: يا سلام هو احنا اللى غلطانين وله المدرسين اللى ما بيشرحوش حاجة فى الحصة اللى يا دوب على قد كلمتين هو فيه حصة نص ساعة شريف: طبعا و بعدين همة اللى بيقولونا ناخد دروس و الحكاية بقت بزنس و بس
اسلام: ما يصحش كدا يا جماعة احترام المدرس و اجب برضة و بعدين مش كل المدرسين كدا فيهم و فيهم و احنا فى كل الاحوال لازم نذاكر كويس
محسن : كلام و بس .... انت بتاع فلسفة ما عرفش ليه دخلت علمى شريف: - يضحك ساخرا- علمى علمك ههههههههه
نكبر حبة اللعب ..........فى الجامعة
اسلام: صباح الخير
الشلة: صباح الخير شريف: عملت ايه فى محاضرة الصبح اسلام: كانت ممتعة فعلا ، - متسأل- و انتوا ما حضرتوش لية
محسن: يا عم كبر دماغك يعنى هو احنا بنستفيد ايه شريف: ما هو فى الاخر شهادة و خلاص و بعدين احنا مش ها نلاقى شغل ، هو فى حد فى الزمن دا بيلاقى شغل محسن: انا عن نفسى ها هاجر من هنا بعد ما اخلص او ادور على سفرية كويسة اجمع منها قرشين و مين عارف يمكن ساعتها افكرارجع
اسلام: هو دا كل اللى بتعملوه ما بتذاكروش و تقعدوا تلوموا الظروف
شريف: - فى استياء و اضح - بس يا اسلام بلاش فلسفة احنا هنا على شان نروش شوية فى الكافيتريا محسن: و بعدين فين الاستفادة و احنا بنتعلم كل الحاجات و الاجهزة اللى بنتعلم عليها قديمة من ايام حرب المعيز و مش شغالة اصلا شريف: - فى ياس و اضح- وله الشغل دا لما نبقى نشوف التخرج كله عايز خبرة واحنا ها نجبها منين اذا ما كنش حد عايز يشغلنا اصلا محسن: و بعدين هو أنا اقدر اشتغل هنا عامل فى كفتيريا من غير ما حد يقول دا عامل و ينسى الشهادة
اسلام: هو دا كل اللى انتوا فالحين فيه ، لازم تعرفوا انه مش بالياس تتحل المشاكل مش بالفرجة على التلفزيون و تقليد الافلام الاجنبى وله متشات الكورة اللى لحست عقولكوا بتعصب اعمى ، لازم نتغير هو دا الحل هو دا الحل و نبطل نلعب لعبة البيضة و الفرخة ومين اللى جة الاول
نكبر حبه بعد التخرج
الام: الف مبروك يا اسلام يابنى جه اليوم اليوم اللى بتتمناه كل ام و كل اب
انى اشوفك عريس لا و ايه دكتور فى الجامعة بتدرس للطلبة
وله العروسة يازين ما اخترت
جهاد هية العروسة المناسبة لك ادب و كمال و علم و جمال و بنت ناس
ودكتورة شاطرة ، يعنى انت تعلم الناس وهية تعالجهم
اسلام: السلام عليكم يا جهاد ازيك و ازاى الاولاد جهاد: و عليكم السلام، - يظهر عليها الحزن-
انا مش عارفة الاولاد جرالهم ايه قلتلهم نروح نزور عمكوا قالولى لا نتفرج على هركليز
و بعدها نزلوا ضرب فى بعض
وكل ما اسالهم بتعملوا ايه يقولوا بنلعب
اسلام: - مستغربا- ازاى دا و ينادى على الاولاد و هو يصعد الى غرفتهم يا نصر يا عز
نصر: - فرحا مزهوا- قتلتك
اسلام: - مستنكرا- ايه دا يا و لد قتلت مين
نصر : بابا... احنت بنلعب
اسلام: و ان شاء الله ايه اللعبة اللى كلها قتل و ضرب دى
عز :بنلعب حرب يا بابا
اسلام: - فى اندهاش شديد- هيه الحرب لعبة!!!!!
نصر: ايوه يا بابا و انا قتلته و بعدين كبر دماغك كله لعب
اسلام: - منكسرا حزينا- قتلت اخوك فى لعبة لكنه اخوك... لكنه اخوك؟!!!!
فاطمة الزهراء محمد
يلا نلعب امممم بس ها نلعب ايه؟
نلعب ايه؟!! نلعب ايه ؟!!
آه.................. نلعب أب و أم بس مين ها يلعب دور الاب؟ مين ؟ مين؟ ... اسلام طبعا و مين الام؟ مين ؟ ... مين؟ ... جهاد طبعا
الأب: يا أولادى الوقت من دهب لازم تذاكروا كويس الأم: طبعا المذاكرة قبل اللعب
الأولاد: لأ ... لازم نلعب ، اللعب الاول و بعدين المذاكرة، هو كل حاجة مذاكرة امال ها نلعب أمتى وله ها نلعب فين؟؟؟ ماما علطول بتقولنا بطلوا تلعبوا فى الشارع بطلوا الدوشة اللى انتوا عاملينها ، هو احنا لاقينا مكان نلعب فيه و ملعبناش .........وله كتب نفهم منها وماذكرناش
الأب : و بعدين معاكوا المذاكرة الأول كل و احد على مكتبه
الأولاد: مكتب ههههههه حلوة دى، ده أنا حاجز ضرفة دولاب بالعافيه و حتة من السرير بالعافية وسط اخواتى الأربعة ولد تانى : وله المدرسة مش قادر اسمع المدرسة من الدوشة دا احنا اكتر من 70 تلميذ فى الفصل الاولاد: دى لعبة وحشة نغيرها ... بس ها نلعب ايه صيادين السمك، كهربا، وله كورة ولد تانى: لالالا نلعب عسكر و حرامية الاولاد: ايوه نلعب عسكر و حرامية
نكبر حبة ....................اللعب فى إعدادى
الـــــــــبنــــــــــــــــــــــــــــــــــــات
سميرة (فى الشباك): صباح الخير يا سوسن سوسن: صباح الخير، مش ها تيجى تلعبى معايا كوتشينه سميرة: مش عارفة يمكن مش دلوقتى، هيه جهاد جاية وله لأ سوسن: نتنادى على جهاد... جـــــــهــــــــــــاد ... يــا جـــــهـــــــاد جهاد: صباح الخير يا سوسن، صباح الخير يا سميرة سميرة: مش ها تيجى تلعبى معانا
جهاد: لأ مش ها اقدر بابا جابلى قصة حلوة و عايزة اخلصها على شان هو و عدنى انه هيجيب و احدة تانية
الأولاد
محسن: اسلام يا اسلام احنا رايحين نلعب كورة مش ها تيجى معانا
اسلام: لا أنا ما بحبش لعب الكورة هلعب شطرنج مع أخويا الكبير
نكبر حبه.............. اللعب فى ثانوى الـــــــبــــــــــــــــنات
سوسن: آه يا سميرة شوفتى الفستان اللى فى المحل اللى جنب المدرسة سميره: آه حلو قوى سوسن: (تضحك بخبث) فى حد عندك؟ ايه أخر أخبار صحبتك شريفة سميرة: هش وبعدين معاكى حد يسمعنا... كويسة اشترالى دبدوب هدية احم قصدى اشترتلى، خلى بالك انا قلتهلم فى البيت ان انتى اللى اشتريتيه، ........و أنتى اخبار صحبتك محسنة ايه؟ سوسن : ( هامسة) بس ... بس ... ها اشوفها بكره بعد المدرسة ها اخرج حصة بدرى
جهاد : مقاطعة ... صباح الخير عاملين ايه يا بناويت
سميرة: متفاجاءة بوجود جهاد... ها آه آه كويسين ... مش ... مش ... آه مش ها تتمشى معانا
جهاد: لوحدنا ما أظنش، الواحد اليومين دول مش عارف يمشى من غير ما يلاقى حد يعاكسة او يضايقة الولاد اليومين دول حاجة صعبة قوى ، لكن ارجع و أقول برضة فى بنات غلطانة
سوسن: و فيها ايه دى هو حد بيسمعلهم ... - متمايلة فى دلال - هو فيها ايه دى هو حد بيسمعلهم ادينا ماشين و خلاص
الاولاد
شريف: صباح الخير يا محسن ايه اخبارك و اخبار الثانوية العامية معاك محسن: بلا ثانوية عامية بلا بتاع ياله تعالى نروش شوية اما انا قدامى جوز عصافير انما ايه قشطة وله شعرها يابنى ماقولكش شريف: بجد ياوله و افقو يخرجوا معانا محسن: امال ايه يابنى هو احنا بنلعب ، كلمتين حب على تنهديتن وانت عارف الباقى بقى – هههههه- نظرة فا ابتسامة فا... شريف: - هامسا - بس بس احسن اسلام جاى محسن: اهلا اهلا يا اسلام عامل ايه
اسلام: كويس الحمد لله ، و لو انه فى درس فى الفزياء شاغلنى لانة صعب شوية
شريف: ما قلتلك تعالى خد معانا درس
اسلام: ليه المسالة مش محتاجه المدرس فى الفصل وافق انه يشرحهالى فى الفسحة بكره ان شاء الله، و بعدين مش لازم كل حاجة تبقى دروس امال احنا ها نذاكر امتى لما كل وقتنا يبقى من درس لدرس و دى آخر مرحلة قبل الجامعة ولازم نعتمد على مذاكرتنا على قد مانقدر
محسن: يا سلام هو احنا اللى غلطانين وله المدرسين اللى ما بيشرحوش حاجة فى الحصة اللى يا دوب على قد كلمتين هو فيه حصة نص ساعة شريف: طبعا و بعدين همة اللى بيقولونا ناخد دروس و الحكاية بقت بزنس و بس
اسلام: ما يصحش كدا يا جماعة احترام المدرس و اجب برضة و بعدين مش كل المدرسين كدا فيهم و فيهم و احنا فى كل الاحوال لازم نذاكر كويس
محسن : كلام و بس .... انت بتاع فلسفة ما عرفش ليه دخلت علمى شريف: - يضحك ساخرا- علمى علمك ههههههههه
نكبر حبة اللعب ..........فى الجامعة
اسلام: صباح الخير
الشلة: صباح الخير شريف: عملت ايه فى محاضرة الصبح اسلام: كانت ممتعة فعلا ، - متسأل- و انتوا ما حضرتوش لية
محسن: يا عم كبر دماغك يعنى هو احنا بنستفيد ايه شريف: ما هو فى الاخر شهادة و خلاص و بعدين احنا مش ها نلاقى شغل ، هو فى حد فى الزمن دا بيلاقى شغل محسن: انا عن نفسى ها هاجر من هنا بعد ما اخلص او ادور على سفرية كويسة اجمع منها قرشين و مين عارف يمكن ساعتها افكرارجع
اسلام: هو دا كل اللى بتعملوه ما بتذاكروش و تقعدوا تلوموا الظروف
شريف: - فى استياء و اضح - بس يا اسلام بلاش فلسفة احنا هنا على شان نروش شوية فى الكافيتريا محسن: و بعدين فين الاستفادة و احنا بنتعلم كل الحاجات و الاجهزة اللى بنتعلم عليها قديمة من ايام حرب المعيز و مش شغالة اصلا شريف: - فى ياس و اضح- وله الشغل دا لما نبقى نشوف التخرج كله عايز خبرة واحنا ها نجبها منين اذا ما كنش حد عايز يشغلنا اصلا محسن: و بعدين هو أنا اقدر اشتغل هنا عامل فى كفتيريا من غير ما حد يقول دا عامل و ينسى الشهادة
اسلام: هو دا كل اللى انتوا فالحين فيه ، لازم تعرفوا انه مش بالياس تتحل المشاكل مش بالفرجة على التلفزيون و تقليد الافلام الاجنبى وله متشات الكورة اللى لحست عقولكوا بتعصب اعمى ، لازم نتغير هو دا الحل هو دا الحل و نبطل نلعب لعبة البيضة و الفرخة ومين اللى جة الاول
نكبر حبه بعد التخرج
الام: الف مبروك يا اسلام يابنى جه اليوم اليوم اللى بتتمناه كل ام و كل اب
انى اشوفك عريس لا و ايه دكتور فى الجامعة بتدرس للطلبة
وله العروسة يازين ما اخترت
جهاد هية العروسة المناسبة لك ادب و كمال و علم و جمال و بنت ناس
ودكتورة شاطرة ، يعنى انت تعلم الناس وهية تعالجهم
اسلام: السلام عليكم يا جهاد ازيك و ازاى الاولاد جهاد: و عليكم السلام، - يظهر عليها الحزن-
انا مش عارفة الاولاد جرالهم ايه قلتلهم نروح نزور عمكوا قالولى لا نتفرج على هركليز
و بعدها نزلوا ضرب فى بعض
وكل ما اسالهم بتعملوا ايه يقولوا بنلعب
اسلام: - مستغربا- ازاى دا و ينادى على الاولاد و هو يصعد الى غرفتهم يا نصر يا عز
نصر: - فرحا مزهوا- قتلتك
اسلام: - مستنكرا- ايه دا يا و لد قتلت مين
نصر : بابا... احنت بنلعب
اسلام: و ان شاء الله ايه اللعبة اللى كلها قتل و ضرب دى
عز :بنلعب حرب يا بابا
اسلام: - فى اندهاش شديد- هيه الحرب لعبة!!!!!
نصر: ايوه يا بابا و انا قتلته و بعدين كبر دماغك كله لعب
اسلام: - منكسرا حزينا- قتلت اخوك فى لعبة لكنه اخوك... لكنه اخوك؟!!!!
فاطمة الزهراء محمد
