Friday, November 14, 2014

خمسة من عشرين



ايوه العنوان صح خمسة من عشرين النهاردة بعترف انى البنت اللى كانت بتنجح بدرجة النجاح و برأفة  من المدرس على شان ما فيش حد بيسقط فى الرسم  ايوه الرسم ما تستغربوش
طبعا فاكرين حصة الرسم الاجبارى فى المدرسة اللى صحيح ما كناش بناخدها كتير على شان اغلب الوقت مدرس الرياضة - اللى بكرها برضوا - و العربى او العلوم بياخدوها و يوم ما ناخدها كانت بتصل تطل عليه مدرسة كل علاقتها بالرسم وضع الكثير من الالوان فوق الوجه  و على الصبورة - ان كانت موجودة - تكتب درس اليوم أرسم حديقة مدرستك و الكانت النتيجة مزرية مجوعة من المربعات الهلامية و المكعبات المكسورة التى تمثل مبانى المدرسة و الدوائرة المنبعجة التى تمثل رؤس الطلبة فى الحوش و هى بتحى العلم و العلم حاجة اقرب للسحابة السودا اللى مغيمة فوق المدرسة - كان نفسى اعمل العلم بيرفرفر - على خط رفيع المفروض انه سارى العلم و يلى الرسم تسلم الكراسة اللى امى تعبت وجلدتها و حطتى عليها الاستكير باسمى اللى كنت بخلى بابا يكتبه بخطة على شان انا طول عملى خطى خط دكاترة  و اقرب لاينشتاين و لو كتبته ما حدش ها يعرف انا اسمى ايه و ياريتنى عملت كدا قبل اللحظة الحاسمة اللى تاخد فهيا المددرسة الاسكتش الخاص بيه و تبدأ وصلة التريقة على رسمى و مقارنة بزمايلى اللى بيعرفوا يرسموا كويس جداا و دى كانت نهاية حضورى حصص الرسم ... ايوه كنت بزوغ من الحصة
و كبرت ومع الايام كبر كرهى للرسم و ما حاولتش على الاطلاق انى امسك القلم و ارسم او احاول اتعلم المبادئ حتى بعد دخولى كلية الزراعة و اللى للاسف الرسم طاردنى فيها زى الرياضايات كدا اللى بكرهم بنفس القدر و كان مطلوب منى ارسم النماذج الخاصة بالحشرات و النباتات وطبعا ها اسيب لمخيلتكم الابداع فى تخيل شكل كراس العملى الخاص بيه لكن لمحة سريعة عنه اتذكر مرة المعيد فى قسم الحشرات و هو بيقولى  شاوريلى على الفراشة فين بالضبط و انا ها اديكى الدرجة لو شوفتها   :)
و مرت سنين كتير و اعوام و طلع اولاد اعز صديقية ليه بيحبوا الرسم و التلوين ولما بيشفوا طنط فاطمة بيقوا عايزين يرسموا معاها - هى اللى ترسم ليهم - لكن و على الرغم من حبى ليهم كنت حاسة جدا فى موضوع الرسم و قررت الون الرسومات بس ودا بعد محاولة من صديقتى انها تشرح ليهم قد ايه انا بكره الرسم و الاولاد فى حالة ذهول و ضحك هستيرى بس ما علينا
و مرت سنين تانى - اتمنى ما يكونش حد بيعد-  و بعد العمر الطويل دا و لاسباب اضطرنتى اقعد فى البيت فترة اهتم بحاجات كتير عندى لاقيت نفسى بسالها انتى بتكرهى الرسم ليه ؟  طب حاولتى تتعلمى ؟ طب ما تجربى !! و بعد الاسئلة الفلسفية العميقة اللى سألتها لنفسى و بما انتى ما بعرفش اقعد من غير ما اعمل حاجة دخلت على اليوتيوب و بدأت اتعلم الرسم و الصراحة كانت احلى حاجة قررت اعملها  و دى كانت النتيجة و انا سعيدة بيها على الرغم من تواضعها لكن انا سعيدة الرسم فعلا جميل و بيريح الاعصاب  

فاطمة الزهراء محمد