فى حياتنا تمر علينا العديد من اللحظات تستوقفنا فيها عبارة يقولها شخص ما ، أو كلمة عابرة تمر على اذاننا لكنها تترك اثرا على نفوسنا عندما تداعب هذا المخزون المسمى ذكراياتنا او تلمس حياتنا و ترتبط فى هذه اللحظة التى تتوحد فيها مع هذا المشهد او تلك الكلمة.
و فى ذلك اليوم بينما كنت اشاهد التلفزيون - فيلم كبرياء و تحامل
Pride and Prejudice
فى نسخة معاصرة بطولة الممثلة الهندية اى شوارارى، و الصراحة اثر ت فى جملة قالتها الام- اللى عندها اربعة بنات و حالتهم المادية متوسطة - قالت لبنتها الكبيرة اللى جيلها عريس بعد طول غياب " أوعى تقولى حاجة ذكية" الترجمة الحرفية للجملة
Don't Say Something SMART
مش عارفة ليه الجملة دى اثرت فيه، بينى و بيكوا انا عارفة لان دى مشكلة حياتى أن الرجالة مش بتحب الست الذكية المثقفة اللى ليها راىء -وانا بقول مثقفة مش متعلمة على شان نكون واضحين من الاول - لا و ياسلام لو كمان ليها شخصية أكيد تبقى ست بتهرج هو فى شخصية بعد راجلها، ما اخبيش عليكوا مش قادرة اصدق اننا فى القرن الواحد و العشرين و انا لسة بتكلم على عريس بيرفضة زوجة على قدر من الجمال لانها عندها شخصية مش لانها مش متدينة. إلا هيةاللى زى دى تتجوز ازاى ؟! هلى اصبح ذنبا تحاسب علية بنات جيلنا بالا تجد شريك حايتها لان لها عقلا عقلا يفكر؟ لإنى احب القراءة و لى عقل يفكر ؟ ولى شخصية مستقلة؟ و لماذا يخشانى الرجل؟ طب لو ما فيش حل لموضوع فوبيا الرجال من الذكاء، حد عنده وصفه ترجعنى غبية ؟؟؟؟؟؟؟
3 comments:
meshmesha33:
لا مفيش وصفة .زومتتغيريش ولا أي واحدة تتغير ..اللي مش عجبه يخبط راسه في الحيط .والراجل اللي من النوعية ديه رجل هايف وضعيف الشخصية ولا بستحق احترام وتقدير اي امراة ذات عقل راجح . فاستمري ولنستمر . واعلموا جنيعا ان في السماء رزقكم وما توعدون .
نتمنى دائما ان نقابل ذو الشخصية الذكى فى حياتنا،نتمناه صديق نثق فيه يوجهنا للصواب وإن وجدناه نتمسك به فوجوده نادرا-فمابالك ان يوجد شريك للحياة بتلك المواصقات كيف نبتعد ونفر منه الا ان كنا ذوو عقول ضيقة - إن فروا الرجال من المرأة الذكية المثقفة الواعية فهم غير مؤهليين للتعامل معهن - لانهم سطحيين يهابون منهن
.
تحفة الموضوع احييكى عليه جدا
كثيرا ما يحدث ذلك
تحياتى ليكى
يشعر البعض منا ان ما يميزهم
قد يراه الناس عيبا فيهم
ليس عيبا في احد انه يفكر او انه ذكي العيب الا يكون اهلا لهذه المزية التي حباه الله بها فيتمنى زوالها
تمنيت ذات مرة ان اكون تافها
و لكن لا يختار المرء مميزاته
و لكن يمكنه ان يتجاوز عن عيوبه
سوف ينال كل منا ما يستحق ان عاجلا او اجلا
**إن الله لا يضيع أجر من أحسن عملاً **
موفقون دائما
سلام
Post a Comment