إلى اصدقائى

الصراحة انا قعدت افكر ابدا المدونة بتاعتى باى موضوع و في النهاية قررت اتكلم عن نعمة كبيرة فى حياتى الصداقة , يارب كلنا ما نتحرمش منها , و اللى عنده اصدقاء يقدر يحافظ عليهم و يقدرهم ويكتر الحب فى الدنيا

و يارب الخاطرة تعجبكوا وانا بهديها لحد عزيز عليه جدا

شكرا صديقي
***************

شكرا لانك صديق
لانك في قلبي اخويا الحقيقي
لانك في مرايتي صورة حققيتي
وبعنيك اشوف طريقي
شكرا لانك صديقي
لما مسحت بصوتك دموعي
وضمت بحنانك جروحي
وكست بسيفك حزني
وطردت من عقلي جنوني
شكرا لانك صديقي
ومع انك حزين
حبيس القلب فى السجن العتيق
إلا إنك شاعر جرىء
مثابر مكافح قوي عنيد
عارفة انك هناك موجود
ها تلاقي الطريق
ها تلاقي الصديق
لكن اكيد اكيد
موجود الرفيق
بصوت الصدق يرسم
من تاني الطريق
ويمسح الياس من عيونا
لانة من جوة القلب
وبين حنايا العقل
هناك اكيد مستني
مع الفجر الجديد
شكرا لانك صديق العزيز
*******************************************